10 жилд нэг удаа тохиодог нарны сонин хиртэлт өчигдөр манай гаригийн хэд хэдэн газарт ажиглагдсан байна. Нар хиртэхдээ ихэвчлэн бүтэн юм уу, тал нь саранд халхлагдаж харагддаг бол энэ удаагийн хиртэлт нь эхлээд хагас хиртэж байснаа дараа нь сар нарны наана орж, нар гадуур нь харагдан цагираг хэлбэртэй гал харагджээ.
Нарны энэ удаагийн хиртэлт манай цагаар 19,04 цагт эхэлснийг АНУ, Канадын зүүн эрэг орчим, Латин Америкийн зүүн хойд хэсэг, Карибын тэнгисийн арлууд, Өмнөд Европ, Арабын орны иргэд ажигласан байна.
Сүүлийн мөчид сарны цаана орсон нарны бүтэн цагираг 15 секунд орчим харагджээ. Нийтдээ 3 цаг 20 минутын туршид хиртсэн нар дараагийн удаа 10 жилийн дараа буюу 2023 оны дөрөвдүгээр сарын 20-нд хиртэх юм байна.
Үүний өмнө өнгөрсөн тавдугаар сард Номхон далайн орчим нарны хиртэх үзэгдэл ажиглагдсан юм.
