"HSBC Expat Explorer" байгууллагын мэдэгдсэнээр, гадаадын иргэд амьдрахад таатай эсэх, мөнгө олох боломж болон хүүхэд өсгөх орчин гэсэн амьдралын гурван томоохон шалгуурыг давж буй олон улс байна. Тус байгууллага жил бүр уг судалгааг явуулдаг юм.
Хятад жагсаалтын нэгдүгээрт орсон бол Герман, Сингапур, Кайманы арлууд, Австрали, Канад болон Орос удаалжээ.
2013 оны  дөрөвдүгээр сарын 29-нөөс зургадугаар сарын 11-ний хооронд явуулсан цахим судалгаанд 100 орчим улсад буй ажиллаж, амьдарч буй гадаадын 7004 иргэн хамрагдсан байна.
Түрээсийн байр болон импортын барааны өртөг өндөр гэсэн шалтгааны улмаас Оросын нийслэл Москваг цагаачдын хувьд хамгийн их зардалтай дэлхийн хоёр дахь хотоор "Mercer" хүний нөөцийн зөвлөгөө өгөх пүүс өнгөрсөн долдугаар сард нэрлэж байсан билээ.