Туркийн “зууны төсөл” хэмээн нэрлэсэн усан доогуурх төмөр замын хонгилыг нээлээ. Ази, Европ хоёрын хамгийн товч замаар усан доогуур холбох төсөл бүр 1860 оноос яригдаж барьж байгуулах ажил нь 2004 онд эхэлсэн юм байна. Туркийн ерөнхий сайд Тайип Эрдагон хонгил нээх ёслол дээр “Энэ төслийг бид улс байгуулагдсаны 90 жилийн ойн өдөр нээж байна. Энэ төсөл бол эв нэгшдлийн төсөл. Энэ зам зөвхөн хот, улс, тивийг холбох биш хүмүүсийг холбоно. Мармарын энэ төслөөр бид Токио, Хятад, Лондонтой хобогдоно. Энэ төсөл манай улсын түүхэнд алтан хуудас болон орж байна” гэсэн байна.

Мармарын хонгил нь Стамбул хотын европын хэсгээс усан доогуур 13,6 км замыг галт тэрэг 45 км цагийн хурдтайгаар 18 минутад туулж Азийн хэсэгт очих юм. Ер нь Мармарын гэж нэрлэсэн энэ зам нийтдээ 76,3 км урт юм байна. Хонгил усан доор 62 метрийн гүнд байгаа бол газар дээр 37 өртөө, усан доор гурван өртөө бий. 440 вагонтой галт тэрэг 2-10 минут тутамд, нэг талдаа 75 мянган хүнтэй зорчино гэхээр өдөрт 1,2 сая хүн энэ замаар зорчих юм байна.
Энэ төсөл нийтдээ 4,1 тэрбум долларын хөрөнгөөр хэрэгжжээ.