Афганистаны Нуристан мужаас хулгайлсан 6-10 насны 20-иод хүүхдийг алан хядагчдын гараас аварчээ. Афганистаны орон нутгийн цагдаагийнхан Пакистан руу гаргахаар зэхэж байсан 21 хүүхдийг аварсан талаар дэлхийн хэвлэл мэдээллийн сувгаар мэдээлж эхлэв. Талибанчууд эдгээр бяцхан хүүхдүүдийг амиа золиослогч болгон бэлтгэж байсан аж. Алан хядагчид хулгайлсан хүүхдүүдээ Пакистан руу гаргахаар Лагман мужид авч явахад нь цагдаагийнхан баривчилсан юм. 6-10 насны энэ бяцхан иргэдийг бүгдийг нь Нуристан мужаас хулгайлсан гэнэ. Хүүхдийн наймаачдыг баривчилсан гэж байгаа ч үндсэн бүлэглэлийн толгойлогчийг яаралтай илрүүлэх шаардлагатай учир орон нутгийн иргэдээс энэ ажилд их хэмжээний тусламж хүсч буй гэнэ. Афганистан болон лалын шашинт зарим оронд өөрсдийнхөө үйл хэргийн төлөө алан хядагчид хүүхдийг ашиглах нь элбэг байдаг учраас үүнийг зогсоохоор хүний эрхийг хамгаалагчид тууштай тэмцэж буй гэнэ.
