Жүжигчин Орландо Блум эхнэр Миранда Керрээсээ салсан ч тэд гэр бүл шиг халуун дулаан харилцаатай хэвээрээ үлдэнэ хэмээн хэлсэн байна. О.Блум гэр бүлээ цуцлуулах тухай мэдэгдсэнээс хойш анх удаа телевизэд ярилцлага өгөхдөө "Бид найзууд биш. Бид бол гэр бүл" хэмээн хэлээд "Бид эв найртайгаар салахаар шийдсэн" гэжээ. Тэд гурван настай хүүгээ хамтдаа өсгөж, бие биедээ туслана хэмээн амлалт өгчээ. Орландо Блум ярилцлагын үеэр огтхон ч сэтгэл санаагаар унасан харагдаагүй бөгөөд гэр бүл салалт нь түүний сэтгэлд тийм ч хүндээр тусаагүй нь илт харагдаж байв. Миранда Керр ч энэ өдрүүдэд гэртээ бүгж суухыг хүсээгүй бололтой, шоунд бэлтгэж буй зургаар Твиттерээр цацсан байна.
Британийн жүжигчин Орландо Блум одоогоор Броудвейн театрын шинэ жүжигт тоглож, Нью-Йоркт амьдарч байгаа. Түүний эхнэр, хүү хоёр ч Нью-Йоркт голдуу оршин сууж байгаа юм.