Иракийн эрчим хүч хариуцсан шадар сайд Хусейн аль-Шахристани Дэлхийн эрчим хүчний конгресст оролцох үеэрээ “Бид улсынхаа төв хэсэгт байдаг цахилгаан станцуудад зориулж Иранаас шатдаг хий импортлон авах гэрээг урьд нь байгуулаад байсан. Одоо ойрын үед Иракийн өмнөд хэсэг рүү ираны шатдаг хий татах шинэ гэрээ байгуулах гэж байна” гэжээ.
Иран  нь өнгөрсөн долдугаар сарын 21-нд Иранаас шатдаг хий импортлох гэрээ үзэглэсэн юм. Гэрээний дагуу Иранаас 250 км урттай хоолойгоор дамжуулан 25 сая шоо метр шатдаг хийг Садр, Багдад, Аль Мансури хотын цахилгаан станцуудад нийлүүлэх юм. Иран энэ гэрээнээс жилдээ 3,7 тэрбум ам.долларын орлого олох аж. Энэхүү хоолойг арваннэгдүгээр сар гэхэд барьж дуусна. Ираны цөмийн хөтөлбөрийг зогсоохын тулд эдийн засгийн хориг арга хэмжээ аваад байгаа АНУ нь Иракийн энэ санаачилгад тийм ч таатай хандахгүй байгаа бололтой.