Америкийн “JP Morgan” банк 2008 оны дэлхийн санхүүгийн хямрал эхлэхийн өмнөх жил ипотекийн зээлээр баталгаажуулсан үнэт цаас арилжаанд гаргасны улмаас үйлчлүүлэгчид нь ихээхэн хэмжээний хохирол амссан билээ. Банкийг тухайн үедээ ипотекийн зээл эргэн төлөгдөх аюулд орсон, найдвартай биш гэдгийг нь мэдсээр байж үнэт цаас их хэмжээгээр гаргаж үйлчлүүлэгчиддээ санаатай хохирол учруулсан гэж АНУ-ын Засгийн газар буруутган торгохоор болоод байсан юм. Тус банкны хуульчид нь АНУ-ын Хууль зүйн яамны сайд Эрик Холдер, түүний орлогч Тони Уэст нартай уулзаад 13 тэрбум ам.долларын торгууль төлнө гэж урьдчилсан байдлаар тохиролцжээ. Энэ торгуульд Засгийн газарт төлөх есөн тэрбум, хямралын улмаас хохирол амссан үнэт цаас худалдан авагчдад төлөх дөрвөн тэрбум ам.доллар бүрдэж байгаа аж.