Оросын захиалгаар Францад үйлдвэрлэж байгаа “Mistral” төрлийн нисдэг тэрэгч тээгч десантын онгоцыг Францын Сен-Назер хотын үйлдвэр анхдагч байдлаар бэлэн болгон усанд буулгасан тухай “Интерфакс” агентлаг мэдээлж байна.
Тус усан онгоцыг Орос, Францын үйлдвэрүүд хэсэгчлэн үйлдвэрлээд Францын үйлдвэрт эцсийн байдлаар угсарсан аж. Нисдэг тэрэг тээгч энэ онгоц нь дуунаас хурдан “Калибр” далавчит пуужин, ойрын зайн байлдааны зенитийн пуужинт төхөөрөмж “Гибка”, “АК-630” их буугаар зэвсэглэх бөгөөд тавцан дээрээ байлдааны “Ка-52К” найман нисдэг тэрэг, тээврийн “Ка-29” найман нисдэг тэрэг нэгэн зэрэг тээвэрлэх чадвартай байх ажээ.
Оросын Тэнгисийн цэргийн удирдлага нь тус усан онгоцонд алба хаах усан цэрэг, офицерүүдийг бэлдээд эхэлсэн байна. Оросын тал ийм таван усан онгоцыг Францад захиалан хийлгэж байгаа юм. Эхний хоёрыг нь Францын үйлдвэрүүдэд угсраад үлдсэн хоёрыг нь Орост үйлдвэрлэх төлөвлөгөөтэй байгаа аж.