Америкийн конгресс ирэх жилийн төсвийг батлаагүйгээс хаагдаад байсан Эрх чөлөөний хөшөө дахин нээгдэж, жуулчдыг хүлээн авч эхэлсэн байна. 12 хоногийн турш хаагдаад байсан хөшөөг Нью-Йоркийн муж санхүүжүүлж эхэлснээр ийнхүү нээгджээ. Хөшөө, түүний доторх музейг ажиллуулахад мужаас хоногт 61 мянган ам.доллар зарцуулж байгаа аж. Нью-Йорк муж нь ийм хэмжээний зардал гаргах бодит шалтгаан байгаа гэнэ. Энэ хөшөөг жилдээ 3,7 сая жуулчин үзэж сонирхож мужийн төсөвт 200 сая ам.доллар оруулан, хоёр мянган хүнд ажлын байр гаргаж өгдөг аж.
Хөшөөг хаалттай байсан хэдхэн хоногийн дотор 400 хүн ажлаасаа халагдаж, хоногт 35 мянган ам.долларын хохирол амсч байсан аж.