Нүүрсний үнэ унаж манай эдийн засгийн орлого буурахад хүргэсэн. Манай экспортын гол худалдан авагч нь Хятад улс. Тэгвэл энэ он гарснаас хойш тус улсын нүүрсний импорт 14 хувиар өсчээ. Тус улс одоогоор 190 гаруй сая тонн нүүрс импортлоод буй аж. Харин манай улсын нүүрсний экспорт 40 орчим хувиар буураад буй юм. Хэдийгээр хятадын нүүрсий импорт нэмэгдсэн ч дотоодын зах зээл нь бас л “бужигнаан”-тай байна. Учир нь, тус  улсын нүүрсний олборлолт эхний долоон сард  2.13 тэрбум тонн байжээ. Энэ нь өнгөрсөн жилийнхээс  3.5 хувиар буурсныг илтгэнэ.  Гэвч  борлуулалт нь ч бас 3.9 хувиар буурсан байна. Мэргэжилтнүүд үүнийг үнэ ханшийн  уналттай холбон тайлбарлаж буй юм.