Бразилийн хууль сахиулах байгууллагууд хуягт техник, нисдэг тэргээр хүч нэмэн ядуусын хороололуудыг хянадаг дээрмийн бүлэглэлүүдийн эсрэг тусгай ажиллагаа явуулжээ. Ядуусын хороолол буюу фавеллууд нь тус бүртээ өөрийн гэсэн гэмт хэргийн бүлэглэлийн хяналтад байдаг,өөрийн гэсэн хууль дүрэмтэй улс доторх улс байдаг аж. Бразильд ирэх жил Дэлхийн хөлбөмбөгийн аварга шалгаруулах тэмцээн, 2016 онд Олимпийн зуны тоглолт явагдах гэж байгаатай холбоотойгоор гэмт хэргийн бүлэглэлүүдийн идэвхийг дарах, Рио-де-Жанейро гэх мэт том хотуудын фавеллуудыг цагдаагийн хяналтад авах өргөн хэмжээний ажиллагааг шат дараалалтай авч хэрэгжүүлж байгаа билээ.
Энэ удаагийн ажиллагааны үр дүнд Рио-де-Жанейрогийн 12 фавеллийг цагдаагийн хяналтад авч том хорооллуудад цагдаагийн тусгай хяналтын төв нээсэн байна.