ТОКИО. Эн-Эйч-Кэй. АНУ-ын Засгийн газрын үйл ажиллагааг хэсэгчлэн
зогсоогоод байгаагийн улмаас Европын Холбоотой хийх байсан чөлөөт
худалдааны хэлэлцээ хойшлогдлоо.
Ирэх долоо хоногт Брюссельд очих боломжгүй болсон тухайгаа АНУ-ын
Засгийн газрын төлөөлөгчид мэдэгдсэн гэж ЕХ-ны албаны хүмүүс мэдээлжээ.
Ирэх
долоо хоногийн даваагаас пүрэв гарагт АНУ болон ЕХ-ны хэлэлцэгчид хоёр
дахь шатны хэлэлцээгээ хийх байсан аж. АНУ-ын конгрессын мухардмал
байдал шийдэгдэнгүүт хэлэлцээг дахин товлох болжээ.
Худалдаа, хөрөнгө
оруулалтын гэрээг байгуулах зорилгодоо хүрэхэд уулзалт хойшлогдсон нь
нөлөөлөхгүй гэж ЕХ-ны худалдааны комиссар Карел де Гюхт мэдэгдсэн байна.
2014
оны эцэс гэхэд чөлөөт худалдааны бүс байгуулахаар хоёр тал хүчин
чармайлт гаргасаар байгаа билээ. Уг худалдааны бүс нь дэлхийн дотоодын
нийт бүтээгдэхүүний бараг тэн хагасыг бүрдүүлэх юм.
