Машин зам доороос гэнэт усан доогуур шумбагч хөлөг гарч ирвэл хавийн хүмүүс гайхаж цочирдоно доо. Яг ийм явдад Италийн Милан хотод болсон байна. Өглөө эрт гудамжаар явсан хүмүүс замыг эвдлэн доороос нь аварга том хөлөг гарч ирснийг хараад мэл гайхжээ. Хөлгийн гадуур хаалт тогтоож, мэргэжлийн хүмүүс байдлын нягтлан, усан цэргүүд цамхгаар нь дамжин доошоо орохоор завдаж байгаа энэ зураглалыг харсан миланчууд маш хачирхалтай явдлын гэрч боллоо хэмээн бодож, олноороо цуглан байдлыг ажиглажээ. Гэтэл...энэ бүхэн Europe Assistance IT хэмээх даатгалын компанийн “Амьдралаа хамгаал” хэмээх кампани ажлын эхлэл буюу цэвэр сурталчилгаа байжээ. Мэдээж сурталчилгаа учраас газар доороос шумбагч хөлөг гарч ирээгүй, харин тус компанийнхан миланчуудыг унтаж байх хооронд жинхэнэ юм шигээр энэ бүхнийг хийж амжсан байна. Магадгүй энэ сурталчилгаа тус даатгалын компанийг хэзээ ч мартагдахгүй болтол нь миланчуудын сэтгэлд хоногшуулж чадсан биз ээ.