2011 онд Каддафийг түлхэн унагаж, ардчилсан улс болсон гэж тунхагласан Ливи улсын шоронд өнөөдрийн байдлаар найман мянга гаруй хүн байгаа бөгөөд тэд эрх зүйн ямар ч тусламж авдаггүй, тогтмол тамлалт, харгислалд өртдөг байна. Энэ тухай НҮБ-ын Хүний эрхийн Тэргүүн комиссарын удирдах газар ба Ливийг дэмжих НҮБ-ын төлөөллийн газрын хамтран бэлтгэсэн илтгэлд дурджээ.
Ливийн шоронд албан ёсоор төв Засгийн газрын  мэдэлд байдаг ч бодит байдал дээр тухайн шоронг байрладаг орон нутаг, хотыг захирдаг зэвсэгт бүлэглэлүүд бүрэн хяндаг аж. Хоригдлуудыг Каддафийг дэмжсэн эсвэл аль нэгэн өөр бүлэглэлийнх, өөр арьсны өнгөтэй гэх мэт ялихгүй шалтгаанаар цагдан хорьжээ. Тэднийг ташуурдах, төмөр саваагаар ороолгох, цахилгаанд цохиулах, түлэх, өлсгөх гэх мэтээр яргалж тамладаг тухай НҮБ-ын ажилтнууд мэдээлж байна.
Каддафийг түлхэн унагасны дараагаар Ливи нь төв Засгийн газарт ёс төдий захирагддаг олон арван зэвсэгт бүлэгллүүдийн мэдлийн газар болон задарсан. Зарим судлаач энэ байдлыг зарлаагүй иргэний дайны байдал ч гэдэг.