Дуучин Рианна сүүлийн үед уран бүтээлээсээ гадна хувцаслалт, стиль имижээрээ олны анхаарлыг татах болсон. Загвар зохиож, хувцас загварын ертөнцөд хөл тавьсан тэрээр саяхан "Glamour" сэтгүүлийн нүүрэнд зургаа авахуулж, ярилцлага өгөхдөө түүний загварын бурхан бол Диана гүнж хэмээн ярьсан байна. "Диана гүнжийн өмссөн хувцас бүр жинхэнэ "Гангстер". Тэр ганган малгайнууд, томдсон хүрэм гээд түүний өдөр бүрийн стиль имиж гайхамшигтай" хэмээн ярьсан Рианна хувийнхаа амьдралын талаар ч сэтгүүлд дэлгэсэн байна. Крис Браунаас дахин салснаас хойш нэг ч эрэгтэй хүнтэй дотно харилцаа тогтоогоогүй хэмээн ам алдсан тэрээр одоо зөвхөн "Diamond" аялан тоглолтдоо анхаарлаа тавьж, үдэшлэг цэнгүүнд ч очихоо больсон хэмээн ярьжээ. Өнгөрсөн зун хэтэрхий их шоу цэнгээнээс болж тоглолтдоо хүртэл хоцорч очиж байсан тэрээр одоо шөнийн клубээс залхсан гэнэ.




Рианнагийн аялан тоглолт



Түүний шинэ клипний зураг авалтын үеэр