Энэтхэгийн хамгийн нэртэй улстөрчдийн нэг, парламентын гишүүн Бихар Лалу Прасад Ядавыг шүүхээс авлигын хэрэгт буруутай гэж үзсэн байна. Үүний дээр нь төрийн албан хаагч байсан 44 хүнийг төрийн өмч завшсан, луйвардсан хэргээр шийтгэжээ. Ингэснээр 15 жилийн турш шүүхээр явж байгаа авлигын хэрэг нэг мөр эцэслэн шийдвэрлэгдэж байгаа юм байна. Прасад ба түүний ойрын хүрээллийн хүмүүсийг тухайн үедээ малын аж ахуйнуудад зориулан эм, тэжээл худалдан авах ёстой байсан мөнгийг хувьдаа завшсан гэж буруутган шүүхэд өгч, мөрдөн байцаалт эхлүүлж байсан ажээ. Гэхдээ Прасад нь парламентын сөрөг хүчинд ордог “Раштри жаната дал” нэртэй сөрөг хүчний намыг үүсгэн байгуулагч, удирдагч  болохоор шүүхийн шийдвэрийг улс төрийн шинжтэй гэж үзээд давж заалдахаар болсноо албан ёсоор мэдэгдээд байгаа юм. Шүүхээс түүний буруутай гэж үзсэн ч шийтгэлийг хараахан тогтоогоогүй байгаа юм байна.