Дуучин Элтон Жонны ирэх арванхоёрдугаар сарын 7-нд Москва хотод хийх тоглолттой холбоотой асуудлаар ОХУ-ын эцэг эхийн төлөөлөл ерөнхийлөгч Путинд нэгэн захидал илгээжээ. Тус захидалд ”Дуучин Элтон Жонн хүрэлцэн ирснээр нийгэмд бэлгийн буруу асуудал бий болох, өсвөр насны хүүхдэд буруу үлгэр дуурайл үзүүлээд зогсохгүй, манай улсын хууль тогтоомжийг уландаа гишгэсэн үйлдэл болно гэж бид бодож байна” гээд тоглолтыг цуцлахыг санал болгосон гэнэ. ОХУ-ын энэ хуулинд  Лейди Гага, Мадонна зэрэг алдартнууд таагүй ханддагаа өнгөрсөн жил мэдэгдэж байсан удаатай. Түүнчлэн дуучин Шер өвлийн Олимпийн нээлтэд дуулах хүсэлтийг мөн л энэ асуудлаас үүдэн татгалзсан хариу өгсөн талаар бид саяхан мэдээлсэн билээ.