Уэльсийн  цог жавхлант хунтайж Чарльзын хар цагаан хөрөг зургийг Хятадын зураач Ян Пей Мин бүтээжээ. Уран зураг цуглуулагч Мириам Улленсын санаачилсан Мими сангаас ирэх сарын 16-нд зохион байгуулах энэ арга хэмжээ хорт хавдраар шаналж байгаа өвчтнүүдэд зориулсан дуудлага худалдаанд тавигдах юм. Шинжээчдийн тооцоолсноор энэ бүтээл хамгийн ихдээ  300.000 фунт стерлинг хүрэх магадлалтай. Хар цагаанаар зураг гэр зураг авхуулж байснаас биш хөргөө зуруулж байгаагүй гэнэ. Зураачийн тухайд тэрээр нэг өнгөөр дагнасан бүтээл зурдгаараа алдартай ба тэрээр “Энэ зургийг би удаан хадгалсан. Эцэст нь олон хүнийг аврах үйлст зориулан худалдах гэж байгаадаа баяртай байна” гэжээ. Тэрээр өмнө нь маш олон алдартнуудыг зурж олон нийтэд хүргэсэн нь уран зураг сонирхогчдын таашалд ихээхэн хүрдэг. Зохион байгуулагчдын зүгээс зургийг үйл ажиллагаа эхлэхээс дөрөв хоногийн өмнө албан ёсоор олон нийтэд үзүүлэхээс гадна өөр 32 бүтээлийг худалдах юм.