Өдөр бүр л Сирид тэдэн хүн нас барлаа, шархадлаа, тэгж цус урслаа гэсэн мэдээллүүд хөвөрч буй. Тийм ч учраас бид Сирийг тасралтгүй сум шунгинаж, зовлонгийн үүр болсон газар  мэтээр төсөөлөх болсон. Гэвч тэнд хүн л амьдарч буй юм хойно энэ их зовлон зүдгүүр, уй гашуугийн хажуугаар сэтгэлээ сэргээж,  нүүрлээд ирсэн аюулыг түр ч болов мартах гэсэн сиричүүд шөнийн клуб, караоке бааранд ордгоороо орж, худалдаа наймаагаа хийдгээрээ хийж амьдарсаар л байгаа аж. Сирийн нийслэл Дамаск урьдынх шиг амьдрал буцалсан газар байхаа больсон ч ихэнх үйлчилгээ эрхлэгчид үйл ажиллагаагаа хэвийн явуулах гэж хичээж байгааг доорх зургуудаас харж болно.

Иргэний мөргөлдөөн гарснаас хойш Сирид шөнийн клуб хамгийн цаад тал нь шөнийн 02 цаг хүртэл ажилладаг болжээ.

Уламжлал заншлаараа бол согтууруулах ундаанаас хол байдаг лалын шашинт залуус бүжиглэж, хөгжим сонсч сэтгэлээ сэргээх гэж шөнийн клубт ирж байна.

Шөнийн клубийн зөвшөөрөл авах сүүлийн хэдэн сард маш хүнд байгаа ч тэд бараг нууц байдалд ажилласаар л байна.

Мороккод хоёр жил амьдраад саяхан эх орондоо ирсэн рэппер залуу хэлэхдээ "Нэгэнт л бид хэзээ нэг өдөр үхэхээс хойш амьд байх хугацаандаа аз жаргалтай байх нь чухал" хэмээн ярих.

Дамаскийн гудамжин дахь зоогийн газрууд

Сүүлийн үед Сирид эм тариа, эмнэлгийн хэрэгсэл хомсдож байгаа ч Дамаскийн жирийн нэг эмийн сан ийм хэмжээний хангамжтай ажиллаж байна.

Дайн дажны цагт ч үнэт эдлэл худалдан авах хүсэл байсаар байдаг аж.

Сири бүсгүйчүүд зайрмаг идэнгээ дэлгүүр хэсч байна

Дамаскийн кофе шопт шиша хэмээх усан тамхи татах сири бүсгүйчүүд


Гудамжинд дэлгэсэн худалдаа наймаа ч хэвийн

Хүнсний захад амттан шимттэн өрөөстэй хэвээр байна.

Сири залуус бүжгийн клубт латин амери бүжиг сурч байна.



Дамаск дахь бяцхан караоке баар

Энд ирэгдсэд хэлэхдээ "Өмнө нь бид ингэж явдаггүй, идэвхгүй хүмүүс байсан. Гэвч одоо цаг өөр болсноор амьдрал богино юм гэдгийг бид ухаарч байна. Тийм ч учраас цагийн сайхан өнгөрүүлж, бүхнийг хийж үзэхийг хүсч байна" гэсэн юм.


Хэдийгээр Сирийн нөгөө хэсэгт гэмгүй олон зуун хүүхэд амь насаа алдаж байгаа ч нийслэл Дамаскт сурагчид хичээлдээ явсаар байна.