Иран хэзээ ч цөмийн зэвсэг хийхгүй гэж тус улсын Ерөнхийлөгч Хассан Рухани мэдэгдэв. Тэрээр АНУ-ын NBC телевизэд өгсөн ярилцлагадаа ингэж мэдэгдсэн бөгөөд АНУ-тай харилцах харилцаанд нь эерэг өөрчлөлт гарч эхэлж буйг тэмдэглэжээ. Саяхан АНУ-ын Ерөнхийлөгч Б.Обама түүн рүү захидал илгээсэн бөгөөд захидлын агуулга нэлээд эерэг утгатай байсан нь цаашид хоёр улсын харилцааг сайжруулах үндэс болно хэмээн тэрээр найдаж байгаа аж.  Ираны их удирдагч Аяатолла Аль Хаменей ч бас саяхан хийсэн мэдэгдэлдээ дипломат хэлэлцээрээс хэзээ ч татгалзахгүй гэсэн юм.