“Интернет”-ийн хэрэглээ хүчээ авах тусам түүнийг ашиглах эерэг сөрөг арга зам улам нарийсч байгааг энэхүү өсвөр насны Аргентин хакераас харж болох юм. Тэрээр ердөө унтагын өрөөнөөсөө  л хууль бусаар системд нэвтэрч сарын дотор 50.000 ам.доллар олсон байна. Тус хэргийг хариуцаж байгаа албаны хүний хэлснээр түүний аав нь компьютерийн мэргэжилтэн бөгөөд одоогоор хоёулхнаа амьдардаг гэнэ. Хэргийн үеэр түүний өрөөнд маш өндөр хүчин чадал бүхий хэд хэдэн компьютер байсныг битүүмжилжлэх үеэр аав нь цагдаагийн ажилчдөд эсэргүүцэл үзүүлсэн байна. Одоогоор хэргийн зорилго, хэр хэмжээний нууц мэдээлэл хаанаас алдагдсаныг хараахан баттай тогтоогдоогүй байгаа учраас түүний нэрийг олон нийтэд цацах боломжгүй гэнэ. Тус орон нутгийн гол сэдэв болоод байгаа 19хөн настай энэ хүү гурван хэрэгт сэжиглэгдэж байгаа ба хэрвээ эдгээр хэргийг үйлдсэн нь нотлогдвол доод тал нь 10 жил хоригдох юм.