Жүжигчин Николь Кидман Нью-Йоркийн загварын долоо хоногийн үеэр болсон "Calvin Klein"-ийн 2014 оны хавар зуны загварын шоуг үзээд зочид буудалдаа буцах үедээ өөрийнх нь зургийг авахаар унадаг дугуйгаар яаран ирсэн паппарац зурагчинд дайруулж, багахан гэмтжээ. Өндөр өсгийт, бариу даашинзаар гоёсон жүжигчин бүсгүй зочид буудлын хаалганы өмнө унахдаа хөлдөө бага зэрэг гэмтэл авсан тул дайрсан гэрэл зурагчны эсрэг хуулийн хариуцлага хүлээлгэх хүсэлтэй байгаа гэнэ. Учир нь, Нью-Йоркт явган хүний замаар унадаг дугуйтай явахыг хориглодог байна. Дээр нь, дайрсан этгээд паппарац зурагчин байсан нь жүжигчнийг бүр ч илүү ундууцуулсан бололтой.








Гэрэл зурагчныг цагдаа нар шалгаж, жүжигчинд тусламж үзүүлэхээр эмнэлгийнхэн иржээ.