Канад улсад цагаан баавгайн хөдөлгөөн бусад газартай харьцуулахад маш их байдаг. Тэгвэл өнгөрсөн Баасан гарагт нэгэн эрд азтай хэрнээ гайхалтай нэгэн үйл явдал тохиолдсон нь өөдөөс дайрсан цагаан баавгай руу гар утасныхаа гэрлийг тусгахад баавгай айсандаа зугтаж залуу аюулгүй болжээ. Намрын цагаар олон тооны цагаан баавгайны сүрэг дайрч өнгөрдөг газар болох Манибота дүүргийн Чирчилл тосгонд болсон энэ үйл явдал олон хүнд сургамж болж байна. Тосгоны захирагч Майк Спенс өнгөрсөн амралтын өдрөөр нэгэн эр цагаан баавгайн дайралтанд өртөж нуруу, шилбээ маш гүн хазуулсан хэрэг гарч тэр өдрөө өнөөх баавгайг бүсийн амьтны газар луу шилжүүлсэн байна. Түүнчлэн 1980-аад оны дунд үед баавгайнд хазуулж үхсэн тохиолдол гарч байсан талаар Майк ярьж оршин суугчдад анхаарал болгоомжтой байхыг сануулжээ.