Ам.долларын ханшид дарлуулж байгаа монгол төгрөгийг өөд нь татаж чадахгүй байна хэмээн эмч Б.Болдсайхан тэргүүтэй хэсэг нөхөд өнөөдөр Төрийн ордон руу салаавч гаргаж, эрх баригчдад эсэргүүцэл үзүүллээ. Эмч Болдсайхан ам.долларын ханш өсч байгаад бухимдлаа илэрхийлж, Төрийн ордон руу салаавч гарна гэж твиттер хуудсаараа дамжуулан хэлж байсан юм. Тэгвэл өнөөдөр түүнтэй хамт Сангийн дэд сайд асан Ч.Ганхуяг тэргүүтэй залуус нэгдэж Төрийн ордны баруун урд зүгээс салаавч гаргасан юм.  Мөн Төрийн ордны зүүн хаалганд очиж, "Ерөнхий сайд Н.Алтанхуягаа май, УИХ-ын дарга З.Энхболд ажлаа хийгээч ээ. май" хэмээн салаавч гаргав. Ийнхүү салаавч гаргаж байгаа нь Болдсайхан эмчийг банкнаас их хэмжээний ам.долларын зээл авсан нь эргэн төлөлтөд нь хүндрэл учирсан учир ийм байдлаар эсэргүүцлээ илэрхийлж байгаа хэмээн тайлбарлах нэгэн цахим ертөнцөд байна.