“Huffington Post UK” интернэт сайтын мэдээлж байгаагаар өнгөрсөн жил Британийн парламентын гишүүд ажлын байрнаасаа порно сайтууд руу 300 мянга гаруй удаа хандсан байна. Британийн парламентын байр болох Вестминстерийн ордонд таван мянга гаруй хүн ажилладаг. Гэхдээ зөвхөн насанд хүрэгчдэд гэсэн тодотголтой сайт руу парламентын жирийн ажилтнууд төдийгүй гишүүд, тэдний туслахуудын компьютерээс хандаж байсныг тогтоосон байна.

Энэ таагүй мэдээтэй холбоотойгоор парламентын хэвлэлийн алба мэдэгдэл хийхдээ хандалтын тоо бодит байдалд нийцэхээргүй өндөр байна гэжээ. Учир нь насанд хүрэгчдийн зарим сайт нэвтэрсний дараа дахин шинэчлэгдэж хандалтын тоог нэмэгдүүлдэг, мөн хэрэглэгчийн хүсээгүй байсан сурталчилгаа, баннерийг нээж хандалтын тоогоо өсгөдөг гэж нэрээ хамгаалахыг оролдсон аж.
Үүнээс өмнө Пентагоны албан хаагчид, Уэлсийн Засгийн газрын гишүүд насанд хүрэгчдэд зориулсан сайт үзэж байгаад баригдаж байсан удаатай.