Хятадын Гуангси мужийн иргэн, гэртээ ганцаараа амьдардаг 95 настай хөгшин Сю Фэнг нэг удаа унаад тархи нугасны гэмтэл аван хэвтэж байсныг хөрш Цин Ванг нь олжээ. “Би түүнийг дуудаад, түлхээд, татаад тэр юу ч мэдрэхгүй байсан. Амьсгалыг нь чагнаад үзэхэд  юу ч мэдэгдэхгүй, тэгсэн атлаа бие нь нэг их хүйтэн биш байсан” гэж Цин Ванг ярьж байна.

Ингээд Цин Ванг хөрш хөгшнөө нас барж гэж бодоод хүүтэйгээ хамтран авс хийж оршуулахад бэлтгэн авсанд хийжээ. Хятад заншлаар, талийгаачийг авсанд хийгээд ойр төрлийнхөн, хамаатнууд нь ирж салах ёс хийг хэмээн хэдэн хоног хадгалдаг байна. Цин Ванг ч энэ заншлаас гажсангүй авсыг таглалгүй тавиад хэд хоножээ.  
Оршуулах өдөр болоод хүмүүс иртэл авс хоосон байжээ. Гайхсан хүмүүс Сю Фэнг хөгшний цогцосыг хайж эхэлтэл хөгшин хэдийнээ босчихсон гэртээ ирээд хоол хийж зогсох юм гэнэ. Эмнэлгийн дүгнэлтэд энэ талаар Сю Фэнг хөгшин толгойдоо хүчтэй цохих үеэр “клиник үхэл” буюу зохиомлоор үхэж амьсгал нь бараг зогссон ч амьд байсаар байжээ.
Бүх зүйл ийнхүү сайнаар төгссөн ч бас үр дагаваргүй зүйл гэж юу байхав. Хятад заншлаар талийгаачийн хамаг эд зүйлийг шатаадаг болохоор хөгшинд одоо байшингаас өөр хувцас хунар эд зүйл үлдээгүй гэнэ.