Сирийн нийслэл Дамаскаас холгүй орших Сирийн агаарын цэргийн баазын оцицерын ярьснаар бол АНУ-ын зүгээс тус улсад довлох юм бол арми нь амиа золиослогч нисгэгч-камиказегийн тусламжтайгаар няцаана гэнэ. Түүний хэлснээр бол америк, английн харвасан пуужин бүрийн эсрэг Сири улс гурав юм уу дөрвөн пуужин харвах болно гэжээ.
Үүнээс гадна Сирийн үндэсний армид 8000 амиа золиослогч байгаа болохоор тэд гадаадын халдан довтлогчдын эсрэг амиа өгөхөд бэлэн байгаа гэсэн байна.
АНУ-ын зүгээс Башар Асадын дэглэм рүү довтолсон тохиолдолд Сири улс хариуд нь Израиль руу цохилт өгч, бүзрэн устгана гэж Ираны Исламын хувьсгалын армийн корпус командлагч Мохаммад-Али Жаафари мэдэгдсэн байна. Тэр бас Сири лүү довлох л юм бол энэ нь АНУ-ын хувьд хоёр дахь Вьетнам болно гэжээ. Ираны төлөөлөгч бас наймдугаар сарын 21-нд Сирийн босогчид химийн зэвсэг хэрэглэсэн гээд ингэснээр хэдэн зуун хүний аминд хүрсэн гэсэн байна.
Харин Вашингтон болохоор Сирийн ерөнхийлөгч Башар Асадын цэргийн хүчин химийн зэвсэг хэрэглэсэн, ийм учраас тэдний химийн зэвсгийг нь устгахын тулд хязгаарлагдмал цэргийн хүчээр дайрах болно гэж мэдэгдээд байгаа юм.