Хятадын Шанси мужид хүний эрхтний наймаачид зургаан настай хүүг барьж  нүдийг нь ухаж аваад, бяцхан жаалыг цустай нь холилдуулан орхисон аймшигтай хэрэг гарлаа. Нутгийн нэгэн фермерийн хүү өдрийн цайндаа ирсэнгүй, эцэг эх нь хэдэн цагийн турш хайсан ч олдоогүй байна. Харин уулнаас хилэнцэт хорхой барьдаг нэг эр жаалыг хээр байхыг нь харжээ. Хүүгийн нүүр тэр чигтээ цус болсон байхаар нь эхлээд түүнийг харуулдаж унаж дээ гэж бодсон байна. Гэтэл нүдийг нь ухаад авчихсан байх нь тэр. Хүүг тэр дор нь эмнэлэгт хүргэж, цагдаагийнхан мэдүүлэг авсан байна. Эмч нарын хэлж байгаагаар хүүхдийн амь насанд нэг их аюултай биш гэсэн байна. Хүүгийн хэлснээр бол бага зэрэг гадаад аягаар ярьдаг эмэгтэй хүн түүн рүү халдсан гэжээ. Цагдаагийнхан гэмт этгээдийг хайж, мэдээлэл өгсөн хүний 100 мянган юаниар урамшуулна гэж зарлажээ.