АНУ, Их Британи, Франц, Туркийн нэгдсэн хүч Башар Асадын талд байгаа зэвсэгт хүчинд цохилт өгөх сургаар Израйльд хорт хийнээс хамгаалах баг хамгийн эрэлттэй барааны нэг болжээ. Асадыг химийн зэвсэг хэрэглэсэн гэсэн сургаар америкчууд цохилт өгвөл уурласан Асад Израйлийн эсрэг химийн зэвсэг хэрэглэж магадгүй гэсэн түгшүүр иргэдийн дунд ихээр нэмэгдсэн байна. Иракийн эсрэг дайны үеэр Хуссейн нь америкчууд Багдад руу пуужингаар харвах тоолонд Израйлийн эсрэг пуужингаар харваж байсан нь ийм шийдвэр гаргахад нөлөөлсөн бололтой. Тэр үед Хуссейн химийн хорт бодистой пуужин харвах магадлал өндөр байсан тул иргэд хорт хийнээс хамгаалах баг олноор худалдан авч байсан юм.