Киевт эмэгтэйчүүдйн Femen хөдөлгөөний албан байранд  цагдаагийнхан нэгжлэг хийх үеэр галт зэвсэг ОХУ-ын ерөнхийлөгч Владимир Путиныг онилсон зэрэг гарсан байна. Хөдөлгөөний тэргүүн Анна Гуцол энэ бүхнийг няцааж, энэ бол украины эрх баригчидын өвдөөн хатгалга гэжээ. “Байлдааны гар буу, сум, гранат, буудахаар онилчихсон Путины болон хамба лам Кириллийн зураг гарсан. Энэ бол биднийг тэдэн рүү халдах гэж байсан гэж харуулах гэсэн оролдлого” гээд “Бид хэзээ ч зэвсэг хадгалдаггүй, хэзээ ч хэн рүү халдахаар төлөвлөж байгаагүй.Бид бол алан хядагч бүлэглэл биш” гэж тэр нэмж хэлсэн байна.
Өмнө нь бас ийнхүү тэдний байранд нэгжлэг хийж байхат энэ хөдөлөөгнийхөн “Хэрэв бидний албан байрнаас хар тамхи, хориотой зүйл, кэвсэг олдох юм бол энэ нь украины засгийн газар, эрх баригчдын өдөөн хатгалга л байх болно” гэж мэдэгдэж байсан юм.
Харин Киев хотын Дотоодын хамгаалах газрын хэвлэлийн нарийн бичгийн дарга Игорь Михалко Femen  хөдөлгөөний нийслэл хот дахь албан байранд нэгжлэг хийхэд  галт зэвсэг , бусад хориотой зүйл гарсан гэж мэдэгджээ.
FEMEN  бол 2008 оноос эхлэн ажиллаж байгаа, украины эмэгтэйчүүдийн албан ёсны бүртгэлгүй, цээж нүцгэнээр элдэв эсэргүүцлээ илэрхийлдгээрээ зард гарсан  хөдөлгөөн юм.