Оросын Ерөнхийлөгч Путин Абхаз улсын тусгаар тогтнолын таван жилийн ойг тохиолдуулан тус улсад айлчилж, Ерөнхийлөгч Александр Анквабтай уулзсан билээ. Үүний дараагаар Абхазийг өөрийн газар нутгийн хэсэг гэж үздэг Гүржийн Гадаад хэргийн яам нь Орост албан ёсоор эсэргүүцэл илэрхийлсэн. Удалгүй Гүрж дэх Европын холбооны төлөөлөгчийн газраас мэдэгдэл хийж Путинийг шүүмжлэв. Европын холбооноос тараасан мэдэгдэлд Путиний Абхазид хийсэн айлчлал нь Гүржийн тусгаар тогтнол ба газар нутгийн бүрэн бүтэн байдлын зарчимд үл нийцсэн үйлдэл гэжээ.
2008 оны наймдугаар сард Гүржийн арми нь Ерөнхийлөгч Саакшвилигийн тушаалаар Абхаз, Өмнөд Осети гэсэн салаан тусгаарлаад байсан хоёр нутгийг нэгтгэх байлдааны ажиллагааг эхлүүлсэн. Энэ хоёр нутаг нь “де факто” тусгаар тогноод байсан юм. Гэвч Оросын тал хүч хэрэглэхийг эрс шүүмжлэх өөрийн цэргээ оруулснаар гүржүүд бут ниргэгдсэн бөгөөд Франц тэргүүтэй өрнөдийн орнууд хүчин чармайлт гаргасны хүчинд Оросын тал Саакшвилийг түлхэн унагах ажиллагааг үргэлжлүүлэн явуулаагүй. Зургаан өдөр үргэлжилсэн дайны дууссаны дараагаар Орос нь Абхаз, Өмнөд Осетийг тусгаар улсууд гэж хүлээн зөвшөөрсөн юм.
