Киргизийн Ак-Суйк мужид тахлын халдвар авсан тарвага агнаж идсэн 15 настай хүүхэд өвдөн нас барсан байна. Киргизийн эрх баригчид яаралтай арга хэмжээ авч тахлын хавьталтай 132 хүнийг илрүүлэн эмнэлэгт хэвтүүлсэн аж. Улмаар тахал илэрсэн бүс рүү тахлын эсрэг вакцин, урьдчилан сэргийлэх арга, тахлыг тархахаас сэргийлэхэд шаардлагатай хэрэгслийг явуулжээ. Мөн тахал гарсан бүс нутагт иргэдийн шилжилт хөдөлгөөнд хорио тавьж, тахлын халдвар авсан байж болзошгүй хүмүүсийн хэвтэн эмчлүүлж байгаа эмнэлгийг цагдаагийн хамгаалалтад авсан байна.