АНУ-ын Төрийн нарийн бичгийн дарга Жон Керри  Сирийн нөхцөл байдалтай холбогдуулан тусгай мэдэгдэл хийлээ. АНУ-ын гадаад бодлогын  тэргүүн  Башар Асадын засаг захиргаа, түүний цэргүүд нийслэл Дамаск орчимд химийн зэвсэг хэрэглэж энгийн номхон олон зуун хүний аминд хүрсэн гэсэн байна. Керри бас Сирийн засгийн газрын өнөөдөр ярьж байгаа зүйл нь химийн зэвсэг хэрэглэснээ нуух гэсэн арчаагүй оролдлого гээд тэдний химийн зэвсэг хэрэглэсэн талаарх нотлох баримтыг АНУ-ын засаг захиргаа  ойрын үед дэлхий нийтэд гаргаж үзүүлэх болно гэжээ. Тэр бас АНУ-ын ерөнхийлөгч Барак Обама Иракас цэргээ гаргахаа зарласан, Афганистан дахь цэргээ хорогдуулж байгаа, хоёр жил хэртэй иргэний дайны байдал байгаа Сирид цохилт өгөхийг яарахгүй байна.  Гэхдээ л  Башар Асадын арми химийн зэвсэг хэрэглэснийг шинжээчид нотолбол энэ тус улсад цохилт өгөх шатгаан болно гэсэн байна.
Харин ОХУ-ын Гадаад хэргийн сайд Сергей Лавров НҮБ-ын мандатгүйгээр Сирид цохилт өгөхгүй байхыг бусад орнуудаас уриалж байгаа юм.