“Гудамж” төслийн хүрээнд 33 уулзварыг шинэчлэн засварлаж байгаа. Өнөөдөр Бөхийн өргөөний уулзварыг нээх ёстой байсан ч нээсэнгүй. Энэ тухай Засгийн газрын бүтээн байгуулалтын цаг дээр албаныхан тайлбарлахдаа, “Энэ уулзварыг өнгөрсөн бямба гаригт нээх ёстой байсан. Гэвч компани маань амжихгүй даваа гаригт болгох хүсэлт тавьсан. Гэтэл өнөөдөр нээх гэтэл мөн л амжсангүй. Шахаад, шахаад амжуулсангүй. Компаниудын чадамжаас шалтгаалж байна. Уг нь, гэрээгээрээ энэ сарын 28-нд хүлээлгэж өгөх ёстой юм” гэв. Ерөнхий сайд Н.Алтанхуяг, “Тэгээд хэзээ нээх ёстой юм” гэхэд гэрээний хугацаанд арай амжихгүй юм шиг байна. 29-нд нээх байх” гэсэн хариултыг “Гудамж” төслийнхөн өглөө.