Толгой дээрээ бараг нэг кг хэртэй ур буюу хоёр дахь толгойтой төрсөн, найман сартай хүүхдэд Энэтхэгийн Калькутта хотын клиникийн эмнэлгийн эмч нар амжилттай мэс засал хийсэн байна. Мэс засал хийсэн эмч нарын хэлснээр бол Тофажал хүүгийн толгой дээрх “толгой” нь нэг кг орчим жинтэй дотор талдаа тархины эсүүдтэй байсан гэнэ. Энэ өвчин 40-45 мянгад нэг тохиодог, гэхдээ Знн-өмнөд Азийн орнуудад элбэг тохиолддог өвчин юм байна.  Таван цаг үргэлжилсэн мэс заслын дараа Аполлон эмнэлгийн эмч Сисир Дас сэтгүүлчдэд “Тофажал маш ховор өвчтэй төрсөн хүүхэд. Би л хувьдаа урьд нь ийм тохиолдолтой таарч байгаагүй. Тэгэхээр энэ бол маш хариуцлагатай, жаахан л эндвэл хүүгийн амь насанд хүрэх мэс засал байлаа” гэж ярьжээ.
Харин хүүгийн эцэг “Манай Трипура тосгоны эмч хүү ер нь найдлагагүй, удахгүй үхнэ гэсэн. Тэгээд л бид Калькутта орж үзүүлэхээр шийдсэн” гэжээ.