Египетийн ерөнхийлөгч асан Хосний Мубаракаийг өчигдөр “Тора” шоронгоос гаргаж Каирын цэргийн “Маади” эмнэлэгт нисдэг тэргээр хүргэсэн байна. 30 жил египетийн төрийг тэргүүлсэн 85 настай Хосни Мубаракийг авлига авсан, эмх замбараагүй байдлын үеэр цэргийн хүч ашиглан олон хүний аминд хүрсэн хэргээр шүүж тэрээр энэ шоронд хоёр жилийг өнгөрөөсөн юм. Саяхан шүүх түүний хэргийг нягталж магадлангаар суллан гэрийн хорионд байлгахаар шийдвэрлэсэн юм.