Энэтхэгийн хамгийн баян компани Reliance Industries Ltd-ийн  тэргүүн Мукеша Амбани тавдугаар сараас хойш тохиосон рупийн ханш унаснаас болоод 5,,6 тэрбум доллар алдлаа хэмээн Bloomberg агентлаг өнөөдөр мэдээллээ.Одоо түүний хөрөнгө нийтдээ 17,5 тэрбум доллар  байгаа юм байна. Түүний ах Анил бас 1,3 тэрбум доллар алдлаа гэжээ.
Рупийн ханш унаснаас болоод гадаадын хөрөнгө оруулагчид өөрийн хувьцаагаа энэтхэгийн компаниудаас татаж байна гэж Мумбайд байрладаг Grant Thornton LLP
компанийн түнш Мунеш Ханна хэлжээ. “Компаниуд гадаад валютаар ихээхэн төлбөр хийж байгаагаас байдал улам хүндэрч байна” гэж Ханна хэлсэн байна.  Энэтхэгийн Засгийн газрын мэдээлж байгаагаар зургадугаар сарын 3-наас хойш энэтхэгийн компаниуд гурван тэрбум доллартай тэнцэх хувьцаагаа худалдсан гэнэ.
Энэтхэгийн мөнгөн тэмдэгт рупийн ханш сүүлийн саруудад унасаар байна. Наймдугаар сарын 22-ны пүрэв гарагийн байдлаар гэхэд  л рупийн ханш 1,5 хувиар унаж түүхийнхээ хамгийн доод буюу 65,12 рупий нэг доллартай тэнцээд байна. Германы Deutsche Bank-ны мэдээлж байгаагаар бол цаашид рупийн ханш нэг доллартай  70 рупи тэнцдэг болтлоо  унаж магадгүй байна.