Далайн эргээр амарч байгаа ихэнхи хүмүүс аварга махчин загас, хүчтэй давалгаа эсвэл нарны хүчтэй нөлөөллөөс айдаг бол энэ удаа манай хойд хөршид аварга том хөлөг онгоц эрэгт газарджээ. Тус хөлөг нь “Зубр” ангилалд багтах 500 тонн бүхий маш нарийн зэвсэглэлээр тоноглогдсоноос гадна танк зэрэг 400 төрлийн байлдааны техник тээвэрлэх боломжтой гэнэ. Тухайн үед далайн эрэг дээр байсан аялагчдын тоо ердийнхөөс илүү байсан нь тэднийг багагүй сандаргасан юм. Азаар Мечниковод болсон энэ явдлаар хүний амь эрсдээгүй үлджээ. Энэ талаар тус хотын албаны хүн мэдэгдэхдээ “Эрэг орчимд газардах нь хэвийн үзэгдэл. Тэр бүсийг цэргийн туршилт явуулдаг газар гэдгийг мэдсээр байж тэнд олон хүмүүс байсан нь амрагчдын ухамсрын асуудал” хэмээсэн нь олон хүмүүсийн дургүйцлийг хүргээд байна.