УИХ-ын гишүүн Ц.Оюунгэрэл, Л.Болд нар нийслэлийн Хан-Уул дүүргээс сонгогдсон. Тэд сонгуулийн үеэр Яармаг орчмын газрыг иргэдэд өмчлүүлэх талаар ярьж байсан ч тэр нь Тусгай хамгаалалттай газар нутгийн хил заагт багтдаг учир хэрэгжүүлэх боломж бүрдээгүй юм. Тэгвэл тэд “Зарим нутаг дэвсгэрийг тусгай хамгаалалттай газрын хилийн заагаас чөлөөлж, өөрчлөлт оруулах тухай” Улсын Их Хурлын тогтоолын төсөл боловсруулжээ. Уг  тогтоолын төслөө өнөөдөр УИХ-ын дарга З.Энхболдод өргөн барихаар болсон байна. Ирэх намрын чуулганы үеэр харьяалагдах Байнгын хороогоор дээрх тогтоолын төслийг хэлэлцээд дэмжвэл УИХ-ын чуулганаар оруулах юм байна.