Арканзасын цэцэрлэгт хүрээлэнгээр зугаалж явсан 12 настай жаал хүү Майкл 15 мянган долларын үнэ бүхий таван карат хэртэй алмаз олсон байна. “Бид түүгээр арваад минут л алхсан. Тэгтэл газарт ямар нэгэн юм гялтганаж, автал маш тунгалан шил шиг л зүйл байсан” гэж хүү ярьжээ.
Олон жилийн хугацаанд олдсон 75 мянга орчим алмаз эрдэнээс 1924 онд олдсон алмааз л 40 карат жинтэй байсан юм. Майклын олсон алмаз харьцангуй жижиг ч тэдний гэрийнхэн эхлээд юу болохыг нь мэдээгүй гэж байна. “Үнэт чулууны газар аваачихад намайг жаахан хүлээнэ үү гээд цаад өрөөндөө орсон.

Төдөлгүй олон хүн гарч ирээд надад баяр хүргэж, энэ чинь маш том алмааз байна шүү дээ гэсэн” хэмээн азтай жаал ярьж байна. Майкл өөрийн олз 5,16 каратын алмаазаа “Бурхны хүсэл алмаазын алдар” хэмээн нэрлэсэн байна. Энэ нь 15 мянган ам.долларын үнэ хүрнэ хэмээн мэргэжилтнүүд үнэлжээ.