Японы өмнөд Кюсю арал дээрх Сакуразима галт уул өнгөрсөн сараас намдаж байсан ч ням гарагт дахин тургилж утаа үнс нь 5000 метрийн өндөр оргилж байна гэж тус улсын Кагосима аймгийн цаг уурын удирдах газрын болон Японы үндэсний газар зүйн албаны сайтад бичжээ.
Үүний зэрэгцээ лаван урсгал нь уулын өмнөд тал руу нэг км орчим урсч байгаа юм байна. Хамгийн гол нь галт уул оршдог Кагосима аймгийн төвийг битүү утаа, үнс нурман үүл бүрхэж гудамж талбай, машин тэрэг, байшин барилгууд нунтаг саарал үнсээр хучигджээ.

Цаг уур,чичирхийлэл судлалын байгууллага ард иргэдэд “улаан гэрлийн” сануулга өгч эхэлсэн байна.
Сакуразима галт уул 2009 оны дөрөвдүгээр сард хамгийн хүчтэй оргилж нэг хавтгай дөрвөлжин метр талбайд 243 грамм үнс тархааж байсан юм.