Монголын нэгэн иргэний хилээр авч гарах гэж байсан арслан зааны шүд байж болох зүйлийг ОХУ-ын Эрхүү хотын мэргэжилтнүүд шинжлэн судалж түүхийн болон угсаатны зүй, соёлын үнэт зүйл мөн эсэхийг нь тогтоох юм. ОХУ-ын Буриадын хилийн шалган нэвтрүүлэх албаны хэвлэлийн нарийн бичгийн дарга Татьяна Вотинцева хилээр нэвтрэх гэж басан Монголын иргэний машинаас хилинй албаныхан эртний амьтны энэ шүдийг илрүүлэн хураасан гэж мэдээлжээ. Тэр иргэн болохоор энэ бол нохой өгөх яс гэж мэдүүлсэн гэнэ. Гэтэл хилийнхэн шалгаж няглаад энэ нь зүгээр л нэг нохойд хаяж өгдөг яс биш эртний арслан зааны шүд болохыг тогтоосон байна.
Монгол иргэний хэлснээр бол тэр энэ олдвороо монголоос олсон гэжээ. Хилийн албаныхан үүнийг орост оруулан худалдах гэж байсан хэмээн таамаглаж байгаа юм байна.  Тэгээд ч тэр үүнийгээ хилийн албаны нэвтрэх бичигт тэмдэглээгүй байсан гэнэ. Тэр шүд нь 900 грамм жинтэй байсан гэж оросын i38.ru сайтад бичжээ.