Мягмар гаригийн шөнө Египетийн нийслэлд ерөнхийлөгч асан Мухаммед Мурсийг дэмжигчид хийгээд эсэргүүцэгчид дахиад л мөргөлдөж нэг хүн амь үрэгдэж 10 орчим хүн шархадсан байна. Каирын их сургуулиас холгүй байдаг Фейсалын гудамжинд “лалын ахан дүүс” хөдөлгөөнийхөн эсэргүүцлийн жагсаал зохион байгуулах үеэр  оршин суугчид тэдэн рүү ундааны лааз шидэлж эхэлсэн байна. Харин үүнийх нь төлөө исламчууд автоматаар гал нээж, хоёр тал чулуу мод, шатагч шингэнээр  шидэлцжээ. Үймээнийг намжаах гэж хууль сахиулагчид багагүй цаг зарцуулсан байна. Өчигдөр бас “Лалын ахан дүүс” хөдөлгөөнийхөн Каирт хийсэн жагсаал цуглааныхаа үеэр төрийн хэд хэдэн байгууллагад халдан орж ажилтнуудыг нь зодсон явдал хүртэл гарчээ.
Шөнөөр Дакахлия мужийн төв Эль-Мансур хотод лалынхан, тэднийг эсэргүүцэгчид бас мөргөлдаж хэдэн арван хүн бэртэж гэмтсэн байна. Хойд Синайн Эль-Ариш хотын цэргийн прокурорын газрын дэргэд гар хийцийн бөмбөг дэлбэлсэн мэдээлэл ч бас байна.