Өнгөрөгч долдугаар сард Хятадын аж үйлдвэрлэл хүлээж байсан шиг есөн хувь биш харин 10 хувиар нэмэгдсэн гэдгийг шинжээчид мэдээлж байна. Ингээд ч зогссонгүй жижиглэн худалдааны борлуулалт өнгөрсөн сард шууд 13 хувиар нэмэгдэж. Ингэснээр өмнөх хоёр улиралд алдагдаад байсан эдийн засгийн өсөлтийн хурдаа нөхөх боломжтой болж байгаа аж.  Франц, Их Британи, Герман гэсэн Европын толгой орнуудын эдийн засгийн үзүүлэлт ч сайн гарлаа. АНУ-ын хувьд долдугаар сард ДНБ-ий өсөлт хурдасч, экспорт нь рекорд амжилт тогтоон, ажилгүйдэл багассан байна. Ингээд ч зогссонгүй хүн амын зээлийн өр нь 1980 оноос хойш хамгийн бага хэмжээнд очсон байна. Дэлхийн хэмжээнд эдийн засаг зогсонги байдлаас гарна гэдэг нүүрс, зэс гэх мэт манай улсын экспортын гол бүтээгдэхүүнүүдийн үнэ унахаа зогсооно гэсэн үг билээ.