Аргентины Росарио хотын цэцэрлэгт хүрээлэнгийн алсыг харагчийн бэхэлгээ нь суларсны улмаас нэг кабин нь газар унаж хоёр хүн амь алдсан хэрэг гарчээ. Хагас сайн өдөр энэ хүрээлэнд үйлдвэрчний хэд хэдэн байгууллага хүүхдийн баяр тэмдэглэж байх үеэр ийм осол гарчээ. “Дэлхийн эргэн тойронд” нэртэй алсын харагч эргэлдэж байх үеэр 25 метрийн өндрөөс нэг кабин нь газарт унаснаас 12, 14 насны насанд хүрээгүй хоёр хүүхэд амиа алдсанаас гадна долоон ч хүн бэртэж гэмтжээ. Тоглоомын газрын эзэн, тухайн талбай хариуцсан ажилтан нарыг баривчлан саатуулсан байна. Энэ цэцэрлэгт хүрээлэнгийн өөр гурван ч хүнийг цагдаагийнхан асууж байгаа юм байна. Одоогоор амралтын хүрээлэнг хааж техникийн аюулгүй байдлыг нь шалгаж байгаа юм байна.