АНУ-ын Засаг захиргаа Исламабад дахь ЭСЯ-ныхаа ажилтнуудыг нүүлгэн шилжүүлж хамгийн бага хэмжээнд хүртэл цөөрүүлжээ. АНУ-ын Төрийн департаментын мэдээлснээр бол террорист халдлага гарч болзошгүй учраас дипломат ажилтнуудаа ийнхүү гаргахад хүрсэн байна.  Үүний зэрэгцээ онцын чухал шаардлагагүй бол Пакистанд руу зорчихгүй байхыг Төрийн департамент ард иргэддээ уриалсан байна. Саявтар лалын зарим орны шоронгуудаас олон тооны гэмт хэрэгтэн зохион байгуулалттай оргоход алан хядагч байгууллагууд оролцсон учраас эд нь одоо террорист халдлага үйлдэж болох юм хэмээн ийм арга хэмжээ авч байгаа юм.
Өнөөдрийн байдлаар АНУ Ойрхи Дорнод, Хойд Африкийн 19 орон дахь дипломат төлөөлөгчийн газруудаа хаагаад байна. Үүний зэрэгцээ Герман, Франц улсууд Йемен дэх ЭСЯ-аа хаагаад байгаа юм.