МАН-ын Ерөнхий нарийн бичгийн дарга Г.Занданшатар өнөөдөр хэвлэлийнхэнд хандаж УИХ-ын ээлжит бус чуулган зарлан хуралдуулан улс орны эдийн засгийн өнөөгийн нөхцөл байдлыг хэлэлцэж, төсвийн тодотгол хийх шаардлагатай байна гэлээ.  Тус намынхан саяхан хуралдсан Бага хурлын хуралдаанаараа улс орны нийгэм эдийн засгийн өнөөгийн нөхцөл байдлын талаар хэлэлцээдийм шийдэлд хүрсэн байна. Үүнээс гадна экспортыг нэмэгдүүлэх хөтөлбөр хэрэгжүүлэх, гадаадад бүтээгдхүүн гаргах төмөр замыг яаралтай барьж гүйцээх, экспортын таатай орчин бий болгох хэрэгтэй гэж тус намын Бага хурал үзжээ.
Мөн эрх баригчид хураах, хаах, боох, хязгаарлах, хорих, цагдах гэсэн  эдийн засгийн өнөөгийн бодлогоо өөрчилж, хувийн хэвшлийн дотоод, гадаадын хөрөнгө оруулалтыг хөхүүлэн дэмжих эрх зүйн орчинг бий болгох, бизнесийн таатай орчинг бүрэлдүүлэх бодитой арга хэмжээ авахыг Засгийн газарт шаардлага болгон хүргэж байгаа юм байна.