Израилын инженер Андрей Гришко модон эдлэл хувилан гаргаж болох 3D хэвлэгч санаачилжээ. Тэр нь гурван хэмжээст бүтээгдхүүнийг хэвлэн гаргана гэнэ. Тэрээр шүүгчдийн өмнө модон сандал, ширээний чийдэнгийн зарим эд ангийг гаргаж үзүүлсэн байна. Тэр энэ суурь машиныхаа зургийг өөрийнхөө сайтад байрлуулжээ. Ажиллах зарчим нь мод, цавуу, будаг бүхий савуудыг суурь машиндаа хийгээд гаргах бүтээгдхүүнийхээ хэлбэрийг оруулахад л гарах юм байна. Гришкогийн хэлж байгаагаар бол ямар ч хэлбэр дүрсийн зүйлийг ийн хэвлэн гаргаж болох гэнэ.
Ер нь гурван хэмжээст зүйлийг хэвлэн гаргах ажлыг америкийн цэргийнхэн ч судалж хөлөг онгоцны зарим эд ангийг хийж туршиж байгаа юм. Тэдний хэлж байгаагаар бол нэг эд анги гаргахад таван цаг шаардлагатай гэнэ. Гэхдээ л тэд бас багагүй бэрхшээлтэй тулгараад байгаа юм байна. Юун түрүү хэвлэгч нь том зай эзэлж, маш их эрчим хүч шаардах юм байна. Хоёрдугаарт эд анги үйлдвэрлэх эрхийг зөвхөн америкийн хөлөг онгоц үйлдвэрлэлийнхэн эзэмшинэ гэнэ.