МАХН-ын Гүйцэтгэх товчоо хуралдаж, Ерөнхийлөгчийн сонгуулийн үр дүнг хэлэлцэх, цаашдаа яаж ажиллах талаараа ярилцана гэсэн мэдээлэл тарсан. Энэ хуралд саяхан суллагдсан МАХН-ын дарга Н.Энхбаяр оролцох нь гэсэн юм. Харин үүнийг тодруултал Гүйцэтгэх товчоо ямар ч хурал хйигээгүй, намын байранд арга хэмжээ болоогүй гэдгийг албан ёсоор хэллээ. МАХН-ын дарга Н.Энхбаяр намынхаа Гүйцэтгэх товчооны гишүүдтэй уулзах албан бус арга хэмжээ байсныг хурал мэтээр ташаа мэдээллээ гэв.
Н.Энхбаярын биеийн байдал сайнгүй байсан учир энэхүү албан бус уулзалтыг түр хугацаагаар хойшлуулсан байна. Түүнээс гадна МАХН ойрын үед ямар нэг хурал товлоогүй аж. МАХН-ын дарга Н.Энхбаяр одоогоор гэрээр эмчлүүлж байгаа бөгөөд гадаадын ямар улсад очиж эмчилгээ хийлгэх талаар тодорхой шийд гараагүй гэнэ.