Японы арми Изумо нэртэй асар том усан онгоц бүтээснээ дэлхий нийтэд танилцуулав. 249 метр урт, 19,5 мянган тонн жинтэй, 14 нисдэг тэрэг буулгах талбайтай энэ онгоц дэлхийн II дайнаас хойш бүтээсэн хамгийн том усан онгоц болж байна. Тиймдээ 1,2 тэрбум ам.долларын өртгөөр бүтсэн байна. Изумог сөнөөгч нисдэг тэрэг тээх зориулалтаар ашиглана гэж Японы тал мэдэгдэж байгаа ч онгоцны талбайн хэмжээ нь онгоц тээсэн ч болохоор гэж гадаадын мэргэжилтнүүд  харж байна. Японоор Сенкаку, Хятадаар Диаоюу хэмээх нэртэй нэгэн маргаантай арлаас болоод Хятад-Японы тал усан хил дээр цэрэг зэвсгийн хүчээ харуулан зузаатгаж байгаа энэ үед Изумо онгоцыг дэлхий нийтэд танилцуулсан нь санамсаргүй хэрэг биш гэж ажиглагчид үзэж байна.